أشوف بعيونك متاهات الأيام
وأحس في همسك خوافي حنينك
أطالع البسمه على شفاك بحلام
وآتوه لا لمست يديني يدينك
تملك آنامل كنها روس الأقلام
وكن القمر نوره ظهر من جبينك
جيتك غلا جيتك وفا جيتك اهيام
جيت أستشير الصمت برموش عينك
قصة حياتك عاشها طرف مانام
وأنته ولا حسيت به يوم وينك
دام المحبه والغلا روح الألهام
وصدق الوفا مابين قلبي وبينك
لا لا يصيع العمر في رجوى أوهام
واللي رجيته هو سبايب ونينك
قريت بعيونك صدى الجرح وآلام
ولوعة خفوقك في ماسي سنينك
غلطه وصارت ياحياتي من العام
وجرح الندم لايستبيحه كنينك
دامي معاك وفرحة العمر قدام
قلي هلا وأقول تسلم يمينك
وأن خانت ظروف الليالي وليام
الله على جور الليالي يعينك
أشوف بعيونك
العرض العادي
